පොලිස් විශේෂ බළකාය පිළිබඳ
අයි. බී. සී. ප‍්‍රවෘත්තිය බොරුවක්
- පොලිස් මාධ්‍ය ප‍්‍රකාශක
පොලිස් විශේෂ කාර්ය බළකායේ සාමාජිකයන් මඩකළපුව වෙල්ලාවලි ප‍්‍රදේශයේ නිවෙස්වලට රාතී‍්‍ර කාලයේදී ඇතුළුවී තරුණ කාන්තාවන්ට ලිංගික අතවර සිදුකරන බවට අයි. බී. සී. ප‍්‍රවෘත්ති විකාශයෙන් කර ඇති ප‍්‍රකාශය සම්පූර්ණ අසත්‍යක් බව පොලිස් මාධ්‍ය ප‍්‍රකාශක ජ්‍යෙෂ්ඨ පොලිස් අධිකාරී රංජිත් ගුණසේකර මහතා කියා සිටියි.
2008. 09. 27 වැනි දින ප‍්‍රවෘත්ති විකාශය මගින් මෙම අසත්‍ය ප‍්‍රකාශය සිදුකර ඇති බවත් පොලිස් මාධ්‍ය ප‍්‍රකාශක කළ නිවේදනයේ දැක්වේ.
එම නිවේදනයේ මෙසේද දැක්වේ
2008 වර්ෂයේ මුල් භාගයේ අක්කරපත්තු, තිරික්කෝවිල් ප‍්‍රදේශයේ එම කඳවුරුවල සේවය කළ විශේෂ කාර්ය බළකා නිලධාරීන්ද මෙවැනි ලිංගික අතවර කළ බවට අයි. බී. සී. ප‍්‍රවෘත්ති විකාශය මගින් හා නොයෙකුත් ආකාරයෙන් අසත්‍ය කරුණු ප‍්‍රචාරය කරන ලදී.
නමුත් මෙවැනි ලිංගික අතවර පිළිබඳව පොලිස් ස්ථානවලට හෝ මානව හිමිකම් කඩවීම් පිළිබඳ කොමිසන් සභාව වෙත පැමිණිලි කිරිමක් හෝ සඳහන් කර නොමැති අතර, ඒ හේතු කොට ගෙන නිලධාරීන්ට විරුද්ධව මේ වන තුරු ඉහත ආකාරයේ කිසිදු පැමිණිල්ලක් හෝ චෝදනාවක් ඉදිරිපත් කර විමර්ශනය කර අදාළ තොරතුරු සත්‍ය බවට කරුණුද හෙළිදරව් වී නොමැත.
මින් පෙනී යන්නේ මෙවැනි අසත්‍ය ප‍්‍රචාර මගින් විශේෂ කාර්ය බළකායේ ප‍්‍රතිරූපයට හානි කරවන අයුරින් කටයුතු කිරීමක් වන අතර, ඉන් විශේෂ කාර්ය බළකායේ නිලධාරීන් පිළිබඳව මහජනයා ද්වේෂ හා පිළිකුල් සහගත ලෙස බලන අයුරින් පෙළඹවීම් කර විශේෂ කාර්ය බළකා නිලධාරීන්ගේ චිත්ත ධෛර්යය අඩපණ කිරීම තුළින් මහජනයා ගෙන් ලැබෙන සහයෝගය හා ඔවුන්ගෙන් ලැබෙන ගරුත්වය හානි කරවන අයුරින් කටයුතු සිදු කර ඒ තුළින් ත‍්‍රස්ත මර්දන කටයුතු සඳහා අවාසිදායක තත්ත්වයක් ඇති කිරීම බව මින් පෙනී යයි.
කිලිනොච්චි ගිය ආහාර ලොරිවලට
කොටින්ගෙන් කාලතුවක්කු ප‍්‍රහාර
ලොරි පනහම ආපසු වවුනියාවට
එම ආහාර ලොරි ලෝක ආහාර සංවිධානයට අයත් ඒවාය. ඊයේ පෙරවරුවේ වවුනියාවෙන් ලොරි පිටත් වී තිබිණි.
අනතුරුව ඕමන්තේ හමුදා මුරපොළ හරහා අනාරක්ෂිත ප‍්‍රදේශයට ඇතුළු වී පුලියන්කුලම ඔඩ්ඩුසුඩාන් දෙසට යද්දී එම ප‍්‍රහාර එල්ල වී තිබේ.
ඒ සමගම ලොරි පනහ ආපසු වවුනියාවට පැමිණ ඇති බව ජාතික ආරක්ෂාව පිළිබඳ මාධ්‍ය මධ්‍යස්ථානය සඳහන් කරයි. එම ලොරි අනාරක්ෂිත ප‍්‍රදේශය හරහා කිලිනොච්චි මුලතිව් ප‍්‍රදේශ කරා යාමට නියමිතව තිබිණි.
එල්ල වූ ක්ලේමෝ සහ කාලතුවක්කු ප‍්‍රහාර වලින් ලොරි වලට හෝ එහි ගමන් ගත් කිසිවකුටත් හානි සිදුවී නැති බවද ජාතික ආරක්ෂාව පිළිබඳ මාධ්‍ය මධ්‍යස්ථානය පවසයි.
මුලතිව් රැක ගන්න කොටි අසාර්ථක උත්සාහයක
පලාආ වැසියෝ පවසති
අහිංසක දරු පැටවුන් ඇතුළු ලක්‍ෂයක පමණ ජනතාවක් සිරකරගෙන මුලතිව් බේරාගැනීමේ අසාර්ථක සටනක යෙදීමට කොටි නායකයන් උත්සාහ කරන බව මුලතිව් සිට ඊයේ (16) පලා ආ වැසියෝ පවසති.
මාස එකොළහේ සහ අවුරුදු තුනේ දරුවන් ද සමඟ දින ගණනාවක් තිස්සේ මුලතිව් සිට බෝට්ටුවක නැගී පලා ආ 18 දෙනකුගෙන් සමන්විත පිරිස ඊයේ තලේමන්නාරමට පැමිණ තිබිණි.
මේ පිරිස අතර විශ්ව විද්‍යාල සිසුවකු ද සිටින බව පොලීසිය පවසයි. කිලිනොච්චියේ සිට විශාල පිරිසක් ද මුලතිව් ප‍්‍රදේශයට ගෙනැවිත් සිටින බවත් මුලතිව් සිටි ජනතාව එම ප‍්‍රදේශයෙන් පිටව යාමට නොහැකිව සිටින බවත් ඔවුහු පවසති.
Comments