ආරක්ෂාව තහවුරු කරමින් ඉදිරියට ඇදෙන 57 හා 58 වැනි සේනාංකවල ඊළඟ ඉලක්කය කොකාවිල් හා පුනරීන් ප‍්‍රදේශවල බලය තහවුරු කර ගැනීම බව ආරක්ෂක අංශ සඳහන් කරයි.
මුලතිව් වෙත ඇතුළුවී සිටින 59 වැනි සේනාංකයේ භටපිරිස් ආන්දන්කුලම් හා ජනකපුර උතුරු ප‍්‍රදේශවලින් ඉදිරියට ඇදෙමින් සිටිති.
නච්චිකුඩා සිට පුනරීන් දක්වා ඉදිරියට ඇදෙන හමුදා භට පිරිස්වල ගමන වළකාලමින් කොටි ත‍්‍රස්තවාදීන් මුලන්කාවිල් ප‍්‍රදේශයේ විශාල යුද අගලක් සහිත ආරක්ෂිත වැටක් ඉදිකර තිබෙන අතර ඊයේ (18) අලුයම පාබල හමුදා එම ආරක්ෂිත වැට එක් පසෙකින් කඩා ඇතුළුවී තිබිණි.
මේ අනුව පෙරේදා (17) කිලිනොච්චි, වැලිඔය හා වවුනියාව ප‍්‍රදේශවලදී ත‍්‍රස්තවාදීන් හා යුද හමුදා භට පිරිස් අතර, ඇතිවූ ගැටුම්වලින් ත‍්‍රස්තවාදීන් 60 දෙනකු මියගොස් තවත් 55 කට තුවාල සිදුව තිබේ.
එහිදී යුද හමුදා සෙබළුන් 11 දෙනෙකු ජීවිතක්ෂයට පත්ව ඇති අතර තවත් 33 කට තුවාල සිදුව රෝහල්ගත කැර ඇතැයි ජාතික ආරක්ෂාව පිළිබඳ මාධ්‍ය මධ්‍යස්ථානය පැවැසීය.
ප‍්‍රදේශ පහක් ආවරණය කරමින් මේවනවිට පාබල හමුදා කිලිනොච්චි හා මුලතිව් මුදා ගැනීමේ මෙහෙයුමේ යෙදී සිටින අතර කාර්ය සාධක බළකාඪඪසෙබළු වවුනියාව පාලමොඩව් දෙසින් විශේෂ මෙහෙයුම්වල යෙදී සිටිති.
වන්නරිකුලම් කොටින්ට ගුවන් ප‍්‍රහාර
චන්ද්‍රිකා පෙරේරා
ආරක්ෂක හමුදාවලට ප‍්‍රහාර එල්ල කරමින් කිළිනොච්චි වන්නරිකුලම් ප‍්‍රදේශයේ සැඟවී සිටි ත‍්‍රස්තවාදී කණ්ඩායම් වලට ගුවන් හමුදාව ඊයේ (18) පහර දෙනු ලැබීය.
ජෙට් හා එම්. අයි. 24 හෙළිකොප්ටර් යානා උපයෝගීකර ගනිමින් මෙම පහරදීම් කළ බව ගුවන් හමුදාව පැවැසීය.
වන්නරිකුලම් වැවට කිලෝමීටර් තුනක් උතුරේ හා කිලෝමීටරයක් නැගෙනහිර වන්නට පිහිටි ප‍්‍රදේශවල ත‍්‍රස්තවාදින් මෙසේ ප‍්‍රහාරයට ලක්ව ඇත.
එදින දහවල් 12.00 ට හා 12.30 ට මෙම පහරදීම් සිදුකැර තිබෙන අතර 58 සේනාංකයේ භට පිරිස්වලට සහාය පිණිස මෙම ප‍්‍රහාර එල්ලකර තිබේ.
Comments